د ایران او د عمان د بهرنیو چارو د وزیرانو خبرې اترې
د ایران خارجه وزیر له خپل عمانی سیال سره په ټلفوني تماس کې د بندیزونو د لیري کېدو د مذاکراتو او د دواړو هیوادونو تر مینځ په مختلفو ډګرونو کې د اړیکو په برابر خبرې اترې وکړې.
د ایرنا له راپور سره سم، د ایران خارجه وزیر امیر عبداللهیان له خپل عمانی سیال بدر ابوالسعیدی سره په تماس کې د بندیزونو د لیري کېدو په مذاکراتو کې د ایران کلکې ارادې ته په اشارې سره، په دې لړ کې د عمان د هلوځلو قدرونه وکړه.
هغه همدارنګه د دواړو هیوادونو تر مینځ په مختلفو زمینو کې د تر سره شویو هوکړو د عملي کېدو په ضرورت تاکید وکړ.
د عمان د بهرنیو چارو وزیر هم په سیمه کې د ایران د اسلامي جمهوریت رول مهم وباله او د دواړو هیوادونو تر مینځ په سیمه ایزه کچه کې د همکاریو غوښتونکی شو.
بدرالبوسعیدی هم د دواړو هیوادونو تر مینځ د اړیکو پراختیا مهم وباله او د سیمې او ګاونډیو په وړاندې د ایران د رغنده سیاست ستاینه وکړه.
