ایران د شپیتو فیصدو په سویه د یورانیمو پخول پیل کړل
ایرنا خبري اژانس وايي د ایران د اټومي انرژۍ ادارې مشر محمد اسلامي وویل په فردو اټومي مرکز کښې د شپیتو فیصدو په سویه د یورانیمو تولیدل پیل شوي دي.
هغه په تهران کښې د ژواک چاپیریال د شلم نندرتون د کتنې په څنګ کښې د اټومي انرژۍ د نړیوال اژانس د واکمنې شورا ایران ضد پریکړه لیک ته د ایران د اټومي انرژۍ د ادارې د ځواب په هکله وویل سیاسي پریکړه لیک او دباو هیڅ شی نه بدلوي او د پریکړه لیک خپریدا به د ایران د اسلامي جمهوریت جدي غبرګون له ځان سره ولري.
محمد اسلامي وویل حاضردمه د ایران د بوشهر اټومي بټۍ د کار د پیلیدا له وخت راهسې څه د پاسه اوه میلیونه بیرله تیل بچت شوي دي او له پاکې انرژۍ د استفادې پراساس د اسلامي انقلاب د ستر لارښود ټینګار ته په پام سره د اټومي بټیو د پراخولو د هدف ګرځولو قانون په اجنډا کښې شامل کړی شوی چې د ایران د اټومي انرژۍ ونډه شلو فیصدو ته ورزیاته شي.
د ایران د اټومي انرژۍ ادارې مشر محمد اسلامي ټینګار وکړ د ایران په اټومي ادارې کښې ټاکل شوي ده چې د ککړتیاو د کمولو لپاره د ماشینونو د تجهیز او جوړولو او له اټومي ټیکنالوژۍ د بریښنا د تولید په دوو برخو کښې یوشمیر اقدامات ترسره شي.
د اټومي انرژۍ د نړیوال اژانس واکمنې شورا په تیرې پنجشنبې ورځ په خپلې غونډې کښې د امریکا د انګلستان د فرانسې او د جرمني تر سخت سیاسي دباو لاندې د ایران د سوله ییزو اټومي فعالیتونو پرضد یوه پریکړه لیک تصویب کړ.
