د ایران پرضد د اوکراین ادعاګانې کاملا دروغ دي
زمونږ خبریال راپور راکړی د ایران د اسلامي جمهوریت د بهرنیو چارو د وزارت ویاند ناصر کنعاني چافي د اوکراین د ولسمشر زلنسکي د ایران ضد ادعاګانو ته په غبرګون کښې ټینګار وکړ د اوکراین د چټي ادعاګانو تکراریدل له لویدیځو هیوادونو د زیاتو وسله والو او د مالي مرستو د جلبولو په هدف سره سره دي.
هغه وویل د ایران پرضد د اوکراین د ولسمشر ولودیمیر زلنسکي د چټي ادعاګانو تکراریدل د ایران د ملت او د حکومت پرضد د تهران ضد د چورلیز له رسندوي او تبلیغاتي جنګ سره غږمله دي او هغه د اروپايي هیوادونو د ډیرو مالي او وسله والو مرستو د ترلاسه کولو په هدف سره دي.
د ایران د بهرنیو چارو وزارت ویاند ناصر کنعاني د تهران پرضد د اوکراین د ولسمشر زلنسکي څرګندونې د عمومي افکارو د منحرفولو لپاره په نورو هیوادونو باندې د خپلې ګرمې د مسوولیت د اچولو او له بې اساسه ادعاګانو سره یوځاې سیاسي نندره وبلله او هغه یې بې ارزښته وبللې.
کنعاني وویل د ایران اسلامي جمهوریت تل ویلي دی چې د اوکراین د جنګ او د هغه د دوام مخالف دی او تهران د اوکراین د خلکو په کړاو او درد ډیر خواشینی دی او په چټک ډول د دغه جنګ د ختمولو لپاره د سیاسي لارو چارو د موندلو پرضرورت ټینګار لري او چمتو دی چې د دغه چارې د تحقق هڅه وکړي.
د ایران د باندنیو چارو د وزارت ویاند کنعاني په دې خبرې باندې ټينګار سره چې د ایران پرضد سیاسي نندرې او ادعاګانې د اوکراین د جنګ واقعیتونه نه بدلوي له اوکراین سره د کارپيژاندو په سویه د خبرو اترو د دوام لپاره د تهران چمتووالي ته په اشارې سره وویل په ادعاګانو د غور لپاره د ایران له حکومت سره د کارپيژاندو په سویه له خبرواترو د اوکراین د حکومت تښتیدل د کي یف د ادعاګانو د بې بنسټ توب ښودنه کوي او د ایران پرضد د داډول تورونو د لګولو ورهاخوا د خاصو سیاسي انګیزو او د هدفونو د شتون ښودنه کوي.
