د اسلامي ایران قدرت د دښمانانو لپاره د تصور وړ نه دی
ایرنا خبري اژانس راپور راکړی د ایران د اسلامي انقلاب د سپاه پاسداران د مشر ځای ناستي سردار علي فدوي ټینګار وکړ د دښمانانو لپاره د ایران د اسلامي جمهوریت قدرت د تصور وړ نه دی.
هغه نن وویل تیر کال دښمانانو د ایران د اسلامي جمهوریت پرضد یو تر ټولو ستر جنګ پلان کړ او خپلې ټولې هڅې یې وکړې چې د ایران د خلکو ذهنونه تر اغیز لاندې ورولي خو ونه توانیدل د ایران د خلکو زړونه ځان ته واړوي او بیا یې هم ماتي وخوړله.
فدوي وویل باید هڅه وشي چې تل د دښمانانو دسیسې شنډې شي او اجازه ورنکړی شي چې ستر شیطانان او د هغوې ملګري له هغه لارې چې د نویو جنګونو لپاره ورننوتلي دي نتیجې ته ورسیږي.
د ایران د اسلامي انقلاب د سپاه پاسداران ځواک د مشر ځای ناستي علي فدوي وویل د ایران خلکو په تیره پینځو څلویښتو کلونو کښې ثابته کړي ده چې خپلو ارزښتونو ته پاې بنده دي.
هغه وویل د ایران دښمانانو حتی په هیواد کښې یو بریالیتوب هم ترلاسه نکړ او د امریکا خزانې وزارت په تیرو دوو میاشتو کښې اعتراف وکړ امریکا څلورڅلویښت کاله کیږي چې د ایران له اسلامي انقلاب سره جنګیږي خو مونږ په ټولو پروګرامونو کښې ماتي خوړلي ده.
فدوي وویل د نوي او اوسني جنګ په لومړۍ کرښه کښې ستره شیطانه امریکا ولاړه ده.
