ایراني ښځو نړۍ ته یوه نوې بېلګه معرفي کړې
د ښځو په چارو کې د ایران د اسلامي جمهوریت د ولسمشر مرستیالې وویل: ایراني ښځو نړۍ ته د ښځو درېیمه بېلګه معرفي کړه.
د ایران پرس خبري آژانس د خبر له مخې، د ایران د ولسمشر مرستیالې انسیه خزعلي د خورشید فیسټیوال په پای کې چې په مشهد کې د «ښځي روښانتیا کوي» تر عنوان لاندې جوړ شوی، وویل: ایران د هنر او ساینس په مختلفو ډګرونو کې ځلېدلی دی او د ښځو کارونه د ایراني او اسلامي تمدن په ترکیب کې لیدل کېدی شي.
خزعلي زیاته کړه: لوېدیځو حکومتونو د ایران په چارو کې په لاسوهنې سره زموږ د حاکمیت د ننګولو هڅه وکړه، خو زموږ ښځو او نارینه وو د دې کار اجازه ورنه کړه.
د ښځو په چارو کې د ایران د ولسمشر مرستیالې وویل: ایراني مېرمنو نړۍ ته د ښځو درېیمه بېلګه معرفي کړه.
ده څرګنده کړه: دښځو درېيمه بېلګه، د لوېديځ او ختيځ له بېلګو څخه يوه خپلواکه نمونه ده. د ښځو د درېیمې بېلګې او د اسلامي انقلاب د لارښود له مخې، د ښځې رول د تاریخ جوړونې او تمدن جوړونې رول دی.
