دغزې خلکو ته دې سملاسي انسان دوستۍ مرستې ولیږل شي
د ایران او قطر خارجه و زیرانو د غزې تړانګې په ضد د انساني ضد کلابندۍ پر ختمیدا او دغې سیمې ته د سملاسی انساني مرستو پر لیږد ټینګار وکړ.
د ایران خارجه وزیر حسین امیر عبداللهیان پرون ناوخته په دوحې کې د قطر له لومړی او خارجه وزیر شیخ محمد بن عبدالرحمن آل ثاني سره په کتنې کې د فلسطین او په غزې تړانګې کې د روان بحران په باب خبرې اترې او د نظر تبادله وکړه.
د ایران او قطر خارجه وزیرانو په غزې تړانګې کې د روان بحران ددوام په نتیجې کې دسیمې حالات ډير خطرناک وبلل او په غزې تړانګې کې ئې د فلسطین دبې دفاع ولس په ضد دصهیونیسټي رژيم د وحشی ډوله پوځي حملو ددریدا په خاطر دګډو هلوځلو پر دوام ټینګار وکړ او دغه راز ئې دغې سیمې ته د فوری انسان دوستۍ د مرستو دلیږد غوښته وکړه او همداراز ئې دغو موخو دپوره کیدا دلارو چارو په باب مشورې او د نظر تبادله وکړه.
دوي همداراز په غزې تړانګې کې د بحران د حل په زمین کې د مشترکو هلوځلو په دوام او د فلسطین دمظلوم ملت په ملاتړ کې د اسلامی هیوادونو او اسلامی ملګرتیا موسیسې له ګډو ظرفیّتونو څخه په استفادې ټينګار وکړ او وټاکل شوه چې په دې زمینې کې ګډو هڅو او مشورو ته دوام ورکړي.
