ایران او روسیې په غزې د حملو د بندیدا غوښتنه وکړه
فارس خبري اژانس راپور راکړی د اسلامي ایران ولسمشر ابراهیم رئیسي وویل د فلسطین د غزې تړانګې د مظلومو خلکو پرضد د بمباریو په چټک ډول د بندیدا ، د دغه سیمې د کلابندۍ د ختمیدا او د فلسطین د ملت د حقوقو د احقاق په هکله سمدستي اقدام د روسیې او د ایران د ولسمشرانو په خبرو کښې د ټینګار وړ او د ګډو ټکو په توګه مطرح شول.
ابراهیم رئیسي روسیې ته له یوه ورځني کوټلي سفر وروسته نن تهران ته د بیرته راستنیدا په وخت د دغه سفر د پایلو په هکله وویل په دغه سفر کښې د روسیې او د ایران د نظر وړ په تیره بیا د انرژۍ ، د کرهڼې او د ټرانزیټ په برخو کښې د مسائیلو او د تهران او د ماسکو ترمینځ د ملګرتیاو د تر ټولو مهمو چورلیزونو په توګه د شمال ـ جنوب د لارې د ملګرتیاو په اړه بحث او د نظر تبادله وشوه.
د ایران ولسمشر ابراهیم رئیسي دغه راز د فلسطین موضوع ماسکو ته په سفر کښې د روسیې له ولسمشر ولادیمیر پوتین سره د خبرواترو تر ټولو مهم چورلیز وباله او زیاته یې کړه د غزې د مظلومو خلکو پرضد د بمباریو په چټک ډول بندیدل ، د دغه سیمې د کلابندۍ ختمول او د فلسطین د ملت د حقوقو د احقاق لپاره سمدستي اقدام ترسره کول په دغو خبرو کښې د دواړو مشرانو د ټينګار وړ او د ګډو ټکو په توګه مطرح شول.
