د ایران او سوډان ګډ اقتصادي کمېسیون غونډه ترسره کیږي

د ایران د کرنې وزیر غلام رضا نوري د سوډان د بهرنیو چارو وزیر علي یوسف احمد الشریف سره په تهران کې د لیدنې پر مهال د دواړو هېوادونو د ګډ اقتصادي کمیسون غونډې له ترسره کېدو خبر ورکړ.

هغه په دغه لیدنه کې وویل: د دواړو هېوادونو ګډ اقتصادي کمېسیون به د مې میاشتې په لومړۍ اوونۍ کې ترسره شي او ایران چمتو دی چې د نباتاتو او څارویو د اصلاح په برخه کې د یوې پیړۍ څیړنې پایلې د سوډاني څیړونکو په واک کې ورکړي.