د اقتصادي همکاریو د پیاوړتیا په موخه د تهران او بیشکک چمتووالی
په نړیوالو او سیمه ییزو همکاریو برخه کې د ایران د اسلامي جمهوریت د ولسمشر مرستیال په بیشکک کې د قرغزستان له لومړي وزیر سره په کتنه کې د دواړو هېوادونو سوداګریز ظرفیتونه د تهران - بیشکک ترمنځ د اقتصادي اړیکو د زیاتوالي لپاره یو ارزښتناک فرصت وباله.
ایرنا خبري اژانس د جمعې په ورځ را پور ورکړی، د ایران د ولسمشر مرستیال علي نجفي خوش رودي د بیشکک په سفر کې د قرغزستان له لومړي وزیر سره وکتل او د ایران اسلامي جمهوریت او قرغزستان جمهوریت ترمنځ یې د دوستانه اړیکو، په ځانګړې توګه اقتصادي همکاريو د پراختیا په اړه خبرې وکړې.
په نړیوالو او سیمه ییزو همکاریو برخه کې د ایران د ولسمشر مرستیال د قرغزستان نوي لومړي وزیر قاسم علياف ته د ټاکل کېدو مبارکي وویله او زیاته یې کړه، د ایران اسلامي جمهوریت سیاست، د ګاونډیو هېوادونو په ګډون د قرغزستان سره د همکاريو پیاوړتیا او پراختیا ده ده.
هغه د دواړو هېوادونو په اړیکو کې د شته ظرفیتونو یادونه وکړه او د سوداګریزو راکړو ورکړو د کچې زیاتوالی یې مهم وباله او د اقتصادي اړیکو د پراختیا او لوړولو په اړه یې ټینګار وکړ.
نجفي د ایران د اوراسیا اقتصادي اتحادیې (EAEU) کې د ناظر غړیتوب او له دې اتحادیې سره د ازادې سوداګرۍ تړون د نهایي کېدو په اړه وویل، چې دا فرصت د دې سیمې له هېوادونو، په ځانګړې توګه قرغزستان سره د اقتصادي همکاريو د پراختیا لپاره یو مناسب چانس دی.
قاسمعلياف هم له ایران سره د اړیکو پر پیاوړتیا ټینګار وکړ او د ایراني پلاوي سفر یې د همغږۍ او د نويو همکاريو د ساحو د پېژندلو لپاره یو فرصت وباله.
