د ایران او امریکا مذاکرات؛ درې اصلي خنډ جوړونکي بهیرونه کوم دي؟
پارس تودي - له هغه وخته چې د ایران او امریکا ترمینځ د اټومي پروګرام په اړه غیر مستقیم مذاکرات پیل شوي، د هر ډول خنډ احتمال له مخکې اټکل شوی و، ځکه چې د امریکا د بدعهدۍ او د ناباؤره چلند ترڅنګ، ځینې پیاوړي بهیرونه په منظم ډول هڅه کوي چې ایران د یوې ښې موافقې له ترلاسه کولو څخه منع کړي.
د ایران او امریکا ترمینځ د ایران د اټومي پروګرام په اړه غیر مستقیم مذاکرات د اپرېل له ۱۲ پیل شوي ړي . د د خبرو اترو دویم او درېیم پړاوونه د اپرېل په ۱۹مه او ۲۶مه ترسره شوي دي . ټاکل شوې وه چې د ۲۰۲۵ کال د مئ په درېیمه نېټه د خبرواترو څلورم پړاو ترسره شي، خو د عمان د بهرنیو چارو وزیر بدر بن حمد آل البوسعیدي ووئيل ؛د ایران او امریکا ترمینځ د مذاکراتو څلورم پړاو د لوجسټیکي ستونزو له امله بلې نېټې ته وځنډول شو.
په تېرو اونیو کې د ایران او امریکا ترمینځ د خبرواترو نوی پړاو چې ټاکل شوې وه په روم کې ترسره شي، وځنډول شو، دا هم په داسې حال کې چې امریکا د جامعې نړیوالې ایټمي موافقې د بېرته احیاء له ادعا سره سره، د ایران د تېلو او پیټروکیمیکل په برخې کې پر اوو ادارو شخصیّتونو بندیزونه ولګول.
دا ډول متضاد چلندونه په روښانه توګه ښئي چې د امریکا په نیت باور کول اسانه نه دي.
په دې مینځ کې، درې اصلي بهیرونه په فعاله توګه د خنډ جوړولو هڅې کوي:
لومړی، د ځینو امریکائي ډیموکراټانو او د ټرمپ د پړاؤ د سر زورو لکه پمپیؤ او جان بولټن ترمینځ غیر متوقع ایتلاف دی چې نه غواړي د سیاسي مخالفې ادارې په نامه کوم پډیپلوماټیک بریالیتوب ثبت شي.
دوهم، اروپايي هېوادونه، په تیره بیا فرانسه ده چې په بهر کې پاتې کېدو له احساس سره، ځینې وخت د ایران د اټومي وسلو د ترلاسه کولو د نږدېوالی په څېر چټي او سرزورو ادعاګانو سره هڅه کوي د خبرواترو فضا خرابه کړي.
درېیم، د اسرائیلي رژیم او په هغو پورې تړلی پراخ رسنیز چینل دی چې د ایران انټرنیشنل په څېر رسنیو او د سلطنت غوښتونکو په څېر څېرو له لارې، په دوامداره توګه د مذاکراتو ضده فضا رامینځته کوي.
په داسې حالاتو کې،یوازینۍ اغېزمنه ستراتیژي هغه ده چې د اسلامی انقلاب ستر لارښود انځور کړې ده؛ په مذاکراتو کې هوښیار او ځير چلند د اصولو په ساتلو سره،پر مقابل لوري بې ځایه خوشبیني نه کول، او په ورته وخت کې پر کورنیو وړتیاوو تکیه کول.
