آملي لاریجاني: دښمن په مخامخ ډغرَې کې ماتې خوړلې ده

پارس ټوډې – د ایران د مصلحت د تشخیص  د ټولنې مشر وویل: د ایران د عزتمند او قدرمن  ملت مقاومت دښمن په مخامخ  ډغرې  کې په ګونډو کړی دی.

د پارس ټوډې د راپور له مخې، چې زمونږ د خبریال  له قوله ئې  نقل کړی، د ایران د اسلامی جمهوریت د نظام د مصلحت پيژندونکي ټولنې مشر  آیت‌الله صادق آملي لاریجاني په خپل ټولنیز   چینل پاڼې کې ولیکل: د ایران د شریف او نه ستړي کېدونکي ملت مقاومت، دښمن په مخامخ مقابلې کې په ګونډو کړی او هغه ئې د بندیزونو او اقتصادي کلابندئ سنګر ته  په شاتګ  مجبور  کړی دی.

هغه زیاته کړه: د دغې کلابندئ ماتول، په کلک مقاومت او هوښیارۍ کې نغښتي دي.  اوس تر بل هر وخت زیات، د مسئولینو ویښ نظر او کلکې ارادې ته اړتیا ده، څو د ګټې‌اخیستونکو پر وړاندې په زړَورتیا او د بازار پر وضعیت د هوښیار مدیریت له لارې، د دښمن د بندیزونو او دباؤونو خنډ مات کړي او د ټولنې اقتصادي ثبات وساتي.