جنرال ابن‌الرضا: د ایران دفاعي تګلاره بدله شوې ده

زمونږ خبریال راپور راکړی د ایران د دفاع وزارت سرپرست، جنرال سید مجید ابن‌الرضا، د ایران د دفاعي تګلارې د بدلېدو خبر ورکړ.

سردار سید مجید ابن‌الرضا په ټولنیزو رسنیو کې لیکلي دي: «د ملګرو ملتونو له ویناوې د ایران پیغام روښانه و؛ د ایران دفاعي تګلاره بدله شوې ده.»

هغه ټینګار کړی چې د دې نوې دفاعي تګلارې له مخې د دفاعي ځواک د پیاوړتیا لپاره د وسایلو او امکاناتو تولید په چټکۍ سره دوام لري.

 نوموړي ویلي چې ایران د نوښتونو او داسې نویو وړتیاوو یوه ټولګه لري چې د دفاعي توان د بنسټیز بدلون او د هېواد د ځواک د زیاتوالي سبب کېږي.

د ایران د دفاع وزارت سرپرست په پای کې ویلي دي: «له ایران  او له ملت سره د زور او ګواښ په ژبه خبرې نه شي کېدای.»