لاریجانی: صهیونېسټ رژیم په نړۍ کښې د ترهه ګرۍ مور ده
د ایران د اسلامی شورا د جرګې مشر وویل: د وروستۍ پېړۍ په حافظه کښې د صهیونېسټ رژیم له جوړېدو نه بله زیاته سپېره ښکارنده نشته ځکه چې د دغه رژیم په رامنځته کولو او شکل ورکولو کښې په تاریخ کښې بې مخینې جنایتونه او جرمونه ترسره شوی دی.
ډاکټر علی لاریجانی د تهران د جمعې د نمانځه له خطبو نه مخکښې په خپله وېنا کښې له فلسطین څخه د ملاتړ مسئله یوه اسلامی فریضه وګڼله او وې ویل: د قدس د ورځې له نومولو څخه د امام خمینی (رح) مقصد د مسلمان ملت بېداری او له دغې مهمې اسلامی دندې څخه د غفلت نه کول وو.
لاریجانی زیاته کړه: د صهیونېسټ رژیم جوړول په مینځنی ختیځ کښې د ناامنۍ د شروع ټکے ؤ او نن د ترهه ګرو په ملاتړ کښې ددغه رژیم لاس په ډاګه شوے او زیاتره اسلامی هېوادونه یې له ترهه ګرۍ سره مخامخ کړی دی.
د ایران د اسلامی شورا د جرګې مشر دا خبره څرګنده کړه چې د نړۍ مسلمانان د صهیونېزم په نامه له یوې تباهکارې ښکارندې سره مخامخ دی چې د نړۍ ستر قدرتونه یې په رامنځته کولو کښې ونډه لری چې مسلمان ملتونه ښکېل کړی.
