اسلامی ایران به د فلسطین ملاتړ ته دوام ورکړی
-
دایران اسلامي جمهوریت به د فلسطین د مسلې په وړاندې تسلیم نشي .
مهر خبری اژانس وایی په نړیوالو چارو کښې د ایران داسلامی شورا د مشر ځانګړی مرستیال حسین امیر عبداللهیان پرون مازیګر په تهران کښې د فلسطین له سفیر صلاح الزواوی سره په کتنې کښې وویل دایران اسلامی جمهوریت به دفلسطین ملاتړ ته دوام ورکړی .
حسین امیر عبداللیهان ټینګار وکړ دایران اسلامی جمهوریت به د فلسطین د مسلې په وړاندې تسلیم نشی .
په ایران کښې دفلسطین سفیر صلاح الزواوی هم په دغه کتنې کښې په دې خبرې سره چې دفلسطین موضوع باید د اسلامی امت د چارو په سر کښې ورشی وویل دامریکا ولسمشر ډونالډ ټرمپ د نړیوال صهیونیزم د ارادې اجرا کونکی دی .
هغه د امریکا د پیړۍ دمعاملې پلان ته په اشارې سره وویل د فلسطین خلک او مشران دامریکا له دغه پلان سره مخالف دی .
په ایران کښې دفلسطین سفیر صلاح الزواوی جوته کړه دصهیونیسټ رژیم د پلازمینې په توګه د قدس په رسمیت پیژندلو کښې دامریکا د ولسمشر ټرمپ اقدام په اسلام کښې د قدس د تاریخ او دهغه دمقام په هکله د ټرمپ د جهالت او د لیونتوب له کبله دی .
د پیړۍ معامله دامریکا دحکومت لخوا یو(۱) پلان دی چې هدف یې د فلسطین د حقوقو له مینځه وړل دی .
ویل کیږی دامریکا دغه پلان د سیمې دځینو عربو هیوادونو په ملګرتیا او موافقت سره برابر شوی دی .
