ایران د دښمن له اقتصادي دسیسو سره د مقابلې پوره توان لري
د تهران د جمعې لمانځه موقته خطیب د ایران د اقتصاد د زیانمنولو لپاره د دښمن دسیسو ته په اشارې سره ټینګار وکړ: د ایران اسلامي جمهوریت د دښمن له اقتصادي دسیسو سره د مقابلې پوره پوره توان او قدرت لري.
حجتالاسلام و المسلمین سید «محمد حسن ابوترابیفرد» د تهران د جمعې لمانځه په خطبو کښې د ایران خلاف د امریکې بندیزونو ته په اشارې سره وویل: د امریکې بندیزونه د ایران د اقتصادي غوړیدا لپاره یو فرصت دی.
ابوترابي فرد همداشان ایران ته د آزدګانو د راستنیدو کلیزې ته په اشارې سره زیاته کړه: د ایران اسیر شوي جنګیالي چې د عراق د بعث رژیم په جیلونو کښې یې سخت پړاؤ تیر کړ، د ایراني شهیدانو د وینې پیغام راوړونکي دي.
د تهران د جمعې لمانځه خطیب په دې خبرې سره چې د عراق د بعث رژیم په وړاندې د ایران د مقدسې دفاع اتو کلونو هیواد لوړو سیاسي، علمي، اقتصادي او پوځي څوکو ته ورسوه، څرګنده کړه: لبنان، شام، عراق، یمن او فلسطین د ایران د مقدسې دفاع په بیلګه ګرځولو سره له استکباري رژیمونو سره مقابله کوي.
