امریکا باید د جنګ غوښتنې او دباؤ سیاست پریږدي
ولسمشر روحاني: امریکې ته پکار دي چې جنګ غواړي څنګته کړي او د جنګ غوښتنې او دباؤ اچولو سیاست پریږي.
د ایران د اسلامي جمهوریت ولسمشر په دې ټکي باندې په ټینګار سره چې د دښمنانو د زیات نه زیات دباؤ په وړاندې د ایران د ولس سټراټیجي، دریدنه او مقاومت دی، وویل: امریکې ته پکار دي چې جنګ غواړي څنګته کړي او د جنګ غوښتنې او دباؤ اچولو سیاست پریږي.
ولسمشر حسن روحاني نن د خپلې کابینې په غونډه کښې په دې ټکي باندې په ټینګار سره چې د اسلامي ایران منطق د صلحه ایزې ایټمي ټیکنالوجۍ استعمال دی، څرګنده کړه: په ایټمي موافقه کښې هم د ایران منطق د ژمنې په وړاندې ژمنه ده او که چیرې مقابل لوري په برجام کښې په خپلو ژمنو عمل وکړي نو ایران به پرې هم عمل وکړي.
هغه څرګنده کړه: د برجامي ژمنو د کمولو دریم ګام د ایران ترټولو مهم ګام ګڼل کیږي او له تیرو دوو ګامونو سره د پرتلې وړ نه دی او که ضرورت وي نو په راتلونکي کښې به نور ګامونه هم پورته کړو.
حسن روحاني وویل چې ایران هیڅکله د تیري او بندیز پیلونکی نه دی پاتې شوی او هیڅ لوظ یې نه دی مات کړی بلکې د ایټمي موافقې نورو لورو خپلې ژمنې ماتې کړې.
