قدس نړیواله ورځ د مسلمانانو د وحدت بیلګه ده
زمونږ خبریال وايي د اسلامي ایران ولسمشر حسن روحاني بیګا د قدس د نړیوالې ورځې په مناسبت یوه(۱) پیغام کښې قدس د فلسطین د پلازمینې د نه بدلیدا په اصل باندې ټینګار سره وویل د روژې د میاشتې په اخري جمعې ورځ د فلسطین له مظلوم ملت څخه د ملاتړ د مراسمو ترسره کیدل د اسلامي ایډیالونو په دفاع کښې د مسلمانانو د استقامت د وحدت او د یوزړه توب بیلګه ده .
حسن روحاني په دغه پیغام کښې د قدس په نړیوالې ورځې چې یوه ستره او برخلیک ټاکونکي ورځ ټینګار سره وویل نهايي بریالیتوب د مجاهدانو او صابرانو دی .
هغه د فلسطین له ایډیل څخه د ایران د ستر ملت همیشنیو ملاتړونو ته اشاره وکړه او ویې ویل د ایران زړور او پوه ملت د اسلامي انقلاب له ایدیالونو په الهام اخیستلو او د نړۍ له مظلومو ملتونو په تیره بیا د فلسطین له بې دفاع خلکو په ملاتړ کښې د حضرت امام خمیني رحمت الله ټینګار ته په پام سره تل د روښانه حرکتونو مخکښ او سرچینه ده .
د ایران ولسمشر حسن روحاني په دوام کښې ټینګار وکړ له ظالمانو سره مبارزه او د کړیدلیو خلکو دفاع به دوام ولري ځکه چې دغه ولوله او اراده د عاشورا په الهام بښونکي او ځلاند مکتب کښې جرړه لري .
