ایران د پاکستان ګڼ شمیر غیرقانوني کډوال وسپارل
ایرنا خبري اژانس وايي د ایران د اسلامي جمهوریت سرحدي ځواکونو د پاکستان درې سوه شل (۳۲۰) کډوال چې د ایران خاورې ته په غیر قانوني ډول د ورننوتلو په خاطر نیول شوي وو پاکستان ته بیرته ورستانه کړل .
د پاکستان رسنیو نن وویل دغه درې سوه شل (۳۲۰) کډوال چې ایران ته د ورننوتلو لپاره یې ویزې نه لرلې نیول شوي وو او له تفتان سرحدي لارې چې د ایران له میرجاوه ښار سره په ګاونډ کښې ده د پاکستان سرحدي ځواکونو ته وسپارل شول .
د ایران اسلامي جمهوریت تراوسه د پاکستان ګڼ شمیر غیر قانوني کډوال د اسلام اباد سرحدي ځواکونو ته ورسپارلي دي .
هرکال د پاکستان ګڼ شمیر ښاریز چې هڅه کوي په غیرقانوني ډول ایران ته راشي د سرحدي ځواکونو لخوا نیول کیږي او بیا خپل هیواد ته ورسپارل کيږي .
په پاکستان کښې بیکارۍ او اقتصادي مشکلات د دغه هیواد د ښاریزو په غیر قانوني ډول د مهاجرت ترټولو مهم دلیل دی .
د پاکستان ګڼ شمیر غیر قانوني کډوال ایران ته له راتلو وروسته هڅه کوي له ترکیې او یونان څخه تیریدا وروسته ځانونه اروپا ته ورسوي .
