ظریف : د ایران لومړیتوب خپل ګاونډیان دي

ظریف په خپله ټویټر پاڼه کې ولیکل په قزاقستان کې د دغه هیواد له ولسمشر او خارجه وزیر سره د پام وړ او ګټه ورې غونډې او کتنې درلودلی دي .

د اسلامی ایران خارجه وزیر ښاغلی محمد جواد ظریف مرکزی اسیا ته په  خپلو سیمه ایزو سفرونو کې  د قزاقستان له چارواکو سره د خپلو کتنو او غونډو په ګټه ورو بللو سره د ایران لومړیتوب د دغه هیواد ګاونډیان وبلل .

د فارس خبری اژانس له راپور سره سم ظریف په خپله ټویټر پاڼه کې ولیکل په قزاقستان کې د دغه هیواد له ولسمشر او خارجه وزیر سره  د پام وړ او ګټه ورې غونډې او کتنې درلودلی دي .

ظریف زیاته کړه دواړه هیوادونه د سیمه ایز ثبات او له ایټمی وسلو د خالی نړۍ په زمینه کی زیات هدفونه او ګډ نظرونه لري .

د مرکزی اسیا څلورو هیوادونو ازبکستان ، قرقیزستان ، قزاقستان او ترکمنستان ته د محمد جواد ظریف سفر د دې اونۍ له ګل ورځې پیل شو.