د پاکستان په بلوچستان کښې څو ترهګر ووژل شول
-
فایل فوټو
په پاکستان کښې امنیتي سرچینو په بلوچستان صوبه کښې د څو ترهګرو د وژل کیدو خبر تایید کړی دی.
په پاکستان کښې امنیتي سرچینو په بلوچستان صوبه کښې د څو ترهګرو د وژل کیدو خبر تایید کړی دی.
د پاکستان د بلوچستان صوبې له ترهګرۍ سره د مقابلې پولیسو بیګا د استخباراتي ادارو په ملتیا د کویټې ښار په غبرګه سیمه کښې د ترهګرو خلاف یولړ عملیات ترسره کړل.
امنیتي ځواکونو په دغو عملیاتو کښې د ترهګرو پر پټنځي حمله وکړه او ورسره له ښکیلیدو وروسته د ډزو په تبادله کښې څلور ترهګر ووژل شول.
خو دا معلومه نه ده چې وژل شوي کسان د کومې ترهګرې ډلې غړي وو.
د بلوچستان پولیسو له ترهګرو څخه د ډیرې وسلې او مهماتو نیول کیدو ته په اشارې سره زیاته کړه: دوه ترهګر د امنیتي ځواکونو له لاسه په تیښته بریالي شوي دي.
خبري سرچینو ویلي چې دغو کسانو په کویټه ښار کښې د سترو ترهګرو حملو پلاننګ کوه.
