په کېنېډا کښې له اسلامه په ويرونې د پاکستان د احتجاج دوام
د پاکستان خارجه وزير يو ځل بيا په کېنېډا کښې له اسلامه د ويرونې او د يوې پاکستاني کورنۍ د وژلې په ردعمل کښې دغه اقدام وغندۀ.
د اېرنا د رپوټ له مخې شاه محمود قرېشي پرون د کېنېډا له خارجه وزير مارک ګارنو سره په ټيلفوني تماس کښې په کېنېډا کښې د مېشته يوې پاکستاني الاصل مسلمانې کورنۍ د وژلې په ترهه ګريز اقدام باندې په نيوکې سره د کېنېډا په شمول په لويديځ کښې له اسلامه د ويرونېد څپې په اړه د پاکستان د حکومت او خلقو سخت احتجاج وړاندې کړ.
د پاکستان خارجه وزير د کېنېډا له حکومته وغوښتل چې د هېواد په دننه کښې له اسلامه د ويرونې له مشکل سره د مقابلې لپاره دې سخت اقدام وکړي.
هغه زياته کړه، پاکستان له نفرت برسېره کونکو اقداماتو څخه د مخنيوي او له اسلامه د ويرونې د ترويج په عواملو د غلبې لپاره د نړيوالې اجماع د رامنځته کولو کلکه فېصله کړې ده او د دې کار لپاره يې د اسلامي تعاون به تنظيم او ملګرو ملتو کښې يو فعال کردار ادا کړې په راتلونکو وختونو کښې به هم دغه کردار ادا کولو ته دوام ورکړي.
د پاکستان وزيراعظم عمران خان هم پرون په خپل يو ټوئيټ کښې په کېنېډا کښې د مسلمانې کورنۍ قتل سخت وغندۀ او دغه چاره يې په لويديځو هېوادونوکښې اسلامه د ويرونط د ښکارند د زياتېدو ښودونکې وبلله.
عمران خان له نړيوالې ټولنې وغوښتل چې له اسلامه د ويرونې په خلاف دې جدي او پرېکنده اقدام وکړي.
