د پاکستان د پوځ مشر باجوا امریکا ته رسیدلی
زمونږ خبریال وايي د پاکستان د پوځ قومندان د امریکا له چارواکو سره د خبرو لپاره واشنګټن ته ورسید.
دغه سفر په داسې حال کښې دی چې پاکستان په تیرو څو کلونو کښې له امریکا سره په دوه اړخیزه ملګرتیاو کښې د تاوتریخوالي او د اختلافاتو د دوام کتونکی دی.
د پاکستان سیاسي څارونکي باوري دي چې په افغانستان کښې د امریکا ماتي یوځل بیا له اسلام اباد سره په اړیکو کښې تاوتریخوالی زیات کړی دی.
د پاکستان د پوځ مشر جنرال قمر جاوید باجوا د اوه ورځني سفر لپاره امریکا ته ورسید او اټکل کیږي چې هغه به د امریکا له لوړرتبه چارواکو سره مهمې کتنې او خبرې وکړي.
هیله کیږي چې د پاکستان د پوځ مشر جنرال باجوا به په دغو اوو ورځو کښې د امریکا له دفاع وزیر لئویډ اسټین، د ملي استخباراتو له مدیر اوریل ډي هاینس او د جاسوسۍ ادارې له مشر ویلیم جی برنز سره کتنې او خبرې وکړي.
ټاکل شوي ده چې جنرال باجوا دغه راز د پاکستان له چارو سره دلچسپۍ لرونکو محققانو او د فکر له بیلابیلو کوټو یعني تینک ټینکونو سره هم خبرې او کتنې وکړي.
