پاکستان په سیمه کښې د داعش په خوځښتونو اندیښنه څرګنده کړه
ایرنا خبري اژانس د پاکستان د ایکسپریس ټریبون ورځپاڼې په قول راپور ورکړ پاکستان په سیمه په تیره بیا خپل هیواد کښې د داعش ترهګرې ډلې د خوځښتونو په زیاتیدا اندیښنه څرګنده کړه.
د پاکستان رسنیو وویل چې د تیر میلادي کال د اګست په پینځلسمه نیټه په افغانستان باندې د طالبانو له واکمنیدا وروسته په سیمه کښې د داعش ډلې خوځښتونه نه یوازې زیات شوي دي بلکې پاکستان ته د داعش ډلې د عملیاتو غځیدل هم د دغه سپیرې ښکارندې په پیاوړي کیدا باندې د اسلام اباد د ژورې اندیښنې سبب شوي دي.
په افغانستان کښې د پاکستان پخواني سفیر منصور احمد خان هم په سیمه کښې د داعش ترهګرې ډلې خوځښتونه د تهران او د اسلام اباد ګډه اندیښنه وبلله.
هغه وویل د افغانستان په بیلابیلو سیمو کښې ترخې پیښې یوځل بیا مهمو ګاونډیانو یعني پاکستان او ایران سره د افغانستان د اختلاف د رامینځته کولو لپاره د یوه پلان شوي دسیسې ښودنه کوي.
