د امریکې پنځه کسیز پلاوی اسلام آباد ته لاړ
د افغانستان او پاکستان په چارو کښې د امریکې د ځانګړی استازی ریچارډ اولسن او د امریکې د ملی امنیت په شورا کښې د سویلی آسیا د سیمې لوړرتبه مدیر پیټر لوئی په شمول د امریکې پنځه کسیز پلاوی نن اسلام آباد ته تللی دی.
د ایرنا د خبر له مخې د پاکستان له چارواکو سره د امریکائی پلاوی د خبرواترو چورلیز د پاکستان په بلوچستان صوبې باندې د امریکې د بې پایلټه الوتکې هغه وروستی برید دی چې د افغانستان د طالبانو ډلې د تیر مشر ملا اختر منصور د وژل کیدو سبب شو.
پاکستان د امریکې دا کار د خپل ملی حاکمیت او ځمکنۍ بشپړتیا څرګنده خلاف ورزی او همداشان د افغانستان د سولې د خبرواترو د بهیر جدی خنډ بللی دی.
ټاکل شوې چې دغه امریکائی پلاوی د پاکستان له لوړرتبه حکومتی، امنیتی او پوځی چارواکو سره وګوری.
په دې وروستیو میاشتو کښې د اسلام آباد او واشنګټن ترمینځ رامینځته شویو ډیرو شخړو ته په پام سره تمه کیږی چې پاکستانی لوری په ننیو خبرواترو کښې له امریکائۍ خوا سره جدی مذاکرات ولری.