د پاکستان یوشمیر قبائیلو د حکومت په فیصلې اعتراض وکړ
زمونږ خبریال راپور راکړی د افغانستان په سرحدي سیمو کښې ویزو ته اړونده نویو قوانینو باندې اعتراض کښې د پاکستان په چمن سرحدي سیمه کښې د ځايي قبایلو او د کارګرانو د ټولنې ستره پرلتۍ د زرګونو کسانو په سترې غونډې بدله شوه.
له افغانستان سره ګډو سرحدي لارو ته نږدې په بلوچستان صوبې کښې په چمن سیمه او دغه راز سرحدي ښارونو او د پاکستان او د افغانستان ترمینځ د تګ راتګ لپاره د دواړو هیوادونو د ښاریزو لپاره د ویزو اخیستل او د پاسپورټونو د لرلو لپاره د اسلام اباد د حکومت په نوي سیاست باندې د اعتراض کونکو پرلتۍ اوس هم دوام لري.
په زرګونو اعتراض کونکو چې سیاسي فعالان، د کارګرانو ټولنه ، تاجران او ځايي قبائیل پکښې شامل وو پرون په چمن سرحدي لاره کښې ستره پرلتۍ ووهله او د پاکستان د حکومت نوي قوانین یې رد کړل.
د پاکستان د پختونخوا ملي عوامي ګوند مشر او بلوچستان صوبې کښې د پښتو مهم مشر محمود خان اچکزي په دغه پرلتۍ کښې د افغانستان د غیر قانوني پناه غواړو د ایستلو لپاره د پاکستان په فیصلې باندې نیوکه وکړه.
هغه وویل د افغانستان د کډوالو په هکله له سختۍ ډک چلند هیڅکله د پاکستان په ګټه نه دی او حکومتي چارواکي باید د اړیکو په تیره بیا د دوه اړخیزه تجارت د پراخولو په فکر کښې ووسي.
