اسلام آباد او راولپنډۍ کې پولیسو ۶۰ افغان کډوال نیولي

پاکستاني رسنیو راپور ورکړی، چې ناقانونه افغان کډوالو ته د بېرته ستنېدو د مهالوېش پایته رسېدو وروسته پولیسو ۶۰ تنه افغان کډوال نیولي دي.

د رسنیو په حواله، پولیسو پرون ۲۲ کډوال په اسلام آباد او ۳۸ په راولپندي کې نیولي دي. 

د راپورونو له مخې، پرون د پاکستان په زیاتو ښارونو کې د پولیسو له خوا افغان کډوال نیول شوي.

د پاکستان حکومت د (اې سي سي) او (پي او آر) کارت لرونکو افغانانو ته خبرداری ورکړی، چې د روانې میاشتې تر لسمې نېټې له پاکستانه ووځي.

دغه راز د پاکستان په ټولو ښارونو کې پولیسو د افغان کډوالو پر وړاندې عملیات پېل کړي.