داسلامی هیوادونو لیدتوګې باید سره یو شان شی
د اسلامی ایران د قضایه قوې مشر آیت ا.... آملی لاریجانی نن په تهران کې د پاکستان دمشرانو له جرګې مشر رضا ربانی سره په کتنې کې ووئیل نن سبا داسلامی هیوادونو په تیره بیا دهغو هیوادونو دلیدتو نزدیکیدا، چې پیاوړی کلتوری مخینه لری ، داسلامی نړۍ د ورځې یو فرض امر دی .
زمونږخبریال راپور راکړ هغه په دغې کتنې کې همداراز ووئیل داسلامی نړۍ لپاره دامریکا اوصهونیسټ رژیم دسیسه له یوه بله د اسلامی امت جلاکول دی او دوی دصهونیسټانو په وړاندې د مقاومت د موضوع او دفلسطین د مسئلې په ځای ، په اسلامی نړۍ کې دنورو فرعی مسئلو په مطرح کولو او رابرسیره کولو پسې دی .
آیت ا... لاری آملی لاریجانی داعش تکفیری ترهه ګره ډله په نړۍ کې دترهه ګرۍ یو څرګند مثال وباله او ووئیل ، دداعش له راپنځولو دامریکا اوصهونیسټانو موخه د اسلام دپاک دین د رحمانی او عقلانی څیرې ځیږ ښودل دی .
دپاکستان دمشرانو جرګې مشر رضا ربانی هم په دغې کتنې کې ووئیل ، مسلمان او داسلامی هیوادونو مشران باید اختلافات سره ختم کړی او یو واحد اسلامی امت جوړ کړی .
هغه ټینګار وکړ دامریکا او نورو امپرالیسټی هیواونو له خوا دنړیواله پراختیا موخه داسلامی هیوادونو ترمینځ دتفرقې رامینځةکول دی .
