د پاکستان د پټرولیم وزیر له دغه وزارته استعفا ورکړه

د پاکستان د پټرولیم وزیر له مسلم لیګ نواز ګوند څخه په وتلو سره له دغه وزارته استعفا ورکړه.

د تسنیم خبري آژانس د خبر له مخې د پاکستان ولسمشر ممنون حسین د کمال خان استعفا قبوله کړه او داشان د مسلم لیګ نواز ګوند یو بل مهم غړی له دغه ګوند څخه ووته.

جام کمال خان رسنیو ته په مرکه کښې د خپلې استعفا موخه د بلوچستان په ولسي پارټۍ کښې شاملیدل اعلان کړل.

د پاکستان د پارلیماني انتخاباتو په رانزدې کیدو سره له مسلم لیګ نواز ګوند څخه د غړو د وتلو بهیر هم ګړندی شوی دی.