پاکستانیانو د فلسطین د خلکو په ملاتړ مظاهرې وکړې
د پاکستان خلکو پرون د جمعې له لمانځه وروسته د فلسطین د خلکو په ملاتړ، په اسلام آباد کښې مظاهرې وکړې.
د ایرنا د رپورټ له مخې د پاکستان خلکو په دې مظاهرو کښې د امریکې او صهیونیسټي رژیم خلاف د شعارونو په ورکولو سره د صهیونیسټانو په بریدونو کښې د غزې د بیګناه خلکو شهادت وغنده او دا وژله یې د ناروا صهیونیسټ رژيم لخوا د بشري حقوقو څرګنده خلاف ورزي وبلله.
مظاهره چیانو یولړ پلی کارډونه او بینرونه اوچت کړي وو چې ورباندې د فلسطین د خلکو په ملاتړ او د امریکې او غاصب صهیونیسټي رژیم له پلانونو سره د مقابلې لپاره اسلامي امت ته بلنې جملې لیکل شوې وې.
د پاکستان د ملي پیوستون د شورا مسئولانو چې د دغه هیواد لسګونه سیاسي او مذهبي ګوندونه پکښې شامل دي، په دغو مظاهرو کښې اعلان وکړ چې پاکستانیان به تل په فلسطین او غزې تړانګه کښې د خپلو مسلمانو وروڼو خویندو ترڅنګ وي.
