ایا کورونا ویروس د بوټانو په وسیله کور ته ورننوتلی شي ؟
زمونږ خبریال وايي له کورونا ویروس څخه د بچ کیدا لپاره له ټولو مکمنو اقداماتو سره سره دغه ویروس په جامو او بوټانو سره زمونږ کور ته ننوتلی شي .
طبي کارپیژاندي وايي د کورونا ساري ناروغۍ په وخت کښې هر سړی له دغه ویروس څخه د ځان د بچ ساتلو لپاره اساسي اقدامات ترسره کوي لکه چې بازار او دفترونو ته دتلو په خت د ماسک اچول ، د دستانو اغوندل او د ټولنیز واټن ساتل او له بهر څخه کور ته په وړونکو شیانو د سپرې کول او د لاسونو او پښو وینځل وغیره وغیره .
خو له دغو ټولو اقداماتو سره سره دغه ویروس بیا هم زمونږ کورونو ته په جامو او بوټانو سره ورننوتلی شي .
کارپيژاندي وايي همدا اوس د کورونا ویروس په هکله مونږ ډیر معلومات نلرو او په دغه ویروس تراوسه تحقیقات روان دي او په راتلونکو ورځو کښې به نور اطلاعات لاس ته راشي .
د جامو په وسیله کور ته د کورونا ویروس د ننوتلو امکان کم دی .
د امریکا طبي کارپیژاند ډاکټر وینسیټ وايي د جامو او د بوټانو په وسیله د کورونا ویروس د خپریدا او کور ته د هغه د ننوتلو امکان کم دی .
هغه وايي تراوسه په جامو سره کور ته د کورونا ویروس د ننوتلو کوم مورد نه دی لیدل شوی او مونږ دا ویلی شو چې جامې د کورونا ویروس د خپریدا سبب نشي کیدلای .
د امریکا ډاکټر وینسیټ وايي کورونا ویروس د انسان له جسم بهر تر څو ساعتونو پورې ژوندی پاتې کیدلای شي .
کورونا ویروس په پلاسټیک او سټیل باندې د زیات وخت لپاره ژوندی پاتې کیدلای شي خو د دغو دوو (۲) شیانو په نسبت جامې بیا نرمې وي .
د کورونا ویروس په وخت کښې د جامو او د کالیو په هکله باید زیات احتیاط وشي .
کارپيژاندي ټینګار کوي له کورونا ویروس څخه د بچ پاتې کیدا لپاره بهر ته د تلو لپاره استعمالیدونکي جامې او کالي باید ژر ووینځل شي او هغه پاکې کړې شي او تر ټولو مهم احتیاط د بیا بیا لاسونو او د خولې وینځل دي .
کارپیژاندي وايي چې خپلې جامې بهر په دکان کښې د وینځلو پرځاې باید په کور کښې ووینځل شي .
()
ایا کورونا ویروس د بوټانو په وسیله کور ته ورننوتلی شي ؟
د کور د باندې په تلو سره بوټان له ټولو شیانو زیات ګنده او سخا وي او په هغوې باندې ډول ډول باکټریانې ناستې وي .
په یوه (۱)راپور کښې ویل شوي دي چې د بوټانو په تلي باندې دغه ویروس ناست وي .
د چین په ووهان ښار کښې د طبي عملې او د ډاکټرانو د بوټانو چې کله ازموینې وشوې نو معلومه شوه چې په ځانګړي څارنې برخې یعني ايي سي یو (intensive care unit) کښې په کارکونکو کښې د نیمايي کسانو د بوټانو په تلیو پورې سارس ویروس کو دوه ((SARS-CoV-2) ښخ و کوم چې د کورونا ویروس سبب کیږي .
له دغه تحقیق څخه معلومیږي چې د ډاکټرانو بوټان د کورونا ویروس د زیاتیدا سبب کیدلای شي .
طبي ماهرین وايي په بوټانو سره د کورونا ویروس د خپریدا امکان شته خو مونږ د بوټانو استعمال په دې ډول کوو په کوم ډول چې پکار دي او مونږ خپل بوټان کور ، کوټو او پخلنځي ته نه وړو او نه لاس وروړو .
کارپيژاندي وايي چې د کورونا ویروس په وخت د خپلو بوټانو د پاک ساتلو کار ترسره کړئ او هغه د کور دباندې کیږدوئ .
