ملګري ملتونه د یمن د انساني غمیزې مسول دي
الجزیره ټیلي ويژن راپور ورکړ د یمن د لوړې سیاسي شورا غړي محمد علي الحوثي د ملګروملتونو امنیت شورا د «صافر» په نوم د تیلو د کشتۍ د موضوع په هکله د چپتیا په دلیل په دغه هیواد کښې د انساني غمیزې د رامینځته کولو مسوله وبلله .
هغه د یمن په وړاندې د ملګروملتونو د امنیت شورا په دریځونو باندې د نیوکې په ترڅ کښې دغه شورا تورنه کړه چې د سعودي عربستان د ائتلاف غړي هیوادونه د صافر د تیلو په کشتۍ کښې د موجودو تیلو د خرڅولو د مخه د نیولو په دلیل مجرم نه ګڼي .
د صافر د تیلو کشتۍ داسې ورسته شوي کشتۍ ده چې له تیرو څلورو (۴) کلونو راهسې د یمن د الحدیده بندر په ساحل کښې راس عیسی بندر ته نږدې ولاړه ده او په کښې د مارب ولایت لپاره څه د پاسه یو(۱) میلیون بیرله سپک تیل بار دي او په دغه کشتۍ کښې هره شیبه د موجودو تیلو لیک کیدل ممکنه ده په دغه سیمه کښې د انساني او د ژواک چاپیریال د غمیزې د رامینځته کیدا سبب شي .
سعودي عربستان او ملګري هیوادونه یې په دغه کشتۍ کښې بار تیل نه پریږدي چې د یمن د خلکو لاسونو ته ورشي .
