د عربستان الوتکو په یمن بریدونو ته دوام ورکړی
زمونږ خبریال وايي د سعودي عربستان د تیریګر ائتلاف جنګي الوتکو بیګا څو ځله د یمن په مارب او صعده ولایتونو کښې په هستوګنو سیمو بریدونه وکړل .
د سعودي عربستان د تیریګر ائتلاف جنګي الوتکو څه د پاسه لس (۱۰) ځله په مارب او صعده ولایتونو کښې په یوشمیر سیمو بمبارې کړي دي .
د دغو حملو د مرګ ژوبلو او د رسیدلیو تاوانونو په هکله تراوسه کوم راپور نه دی خپور شوی .
د سعودي عربستان د تیریګر ائتلاف جنګي الوتکو په تیرو څو میاشتو کښې د یمن په بیلابیلو سیمو کښې په هستوګنو سیمو بمبارې کړي دي .
سعودي عربستان د امریکا د متحده عربي اماراتو ، انګلستان ، اسرائیلو او د اردن وغیره په شان د هیوادونو په ملاتړ سره له ۲۰۱۵ میلادي کال څخه د یمن پرضد بمباریو، حملو او د ځمکې ، سمندر او هوا له لارې کلابندۍ ته دوام ورکړی دی .
د سعودي عربستان رژیم او د هغه متحدان تراوسه د یمن د خلکو د مقاومت په دلیل نه دي توانیدلي چې واک ته د خپلو لاسپوڅي په رسولو کښې خپل هدف ته ورسیږي .
