په عراق کښې د امريکې په دريو فوځي قافلو حملې اوشوې

رسانه اي سرچينو په عراق کښې د امريکې د فوځ پ دريو قافلو باندې د حملو خبر ورکړ.

د صابرين نيوز د رپوټ له مخې نن د عراق د ذي قار صوبې د الناصريه ښار په جنوب کښې د امريکې د يو فوځي کاروان په لاره کښې د اېښودل شويو بمونو هدف وګرځېد.

دوه نور امريکائي فوځي قافلې د عراق په ديوانيه صوبه کښې د حملو هدف وګرځېدې.

همدارنګ نن سحر عراقي سرچينو د بغداد به شنه سيمه کښې د امريکې په سفارت د دوو توغنديو د لګېدو خبر ورکړ.

تر اوسه د دغو حملو د جزئياتوا او حتمالي سر او مال تاوانونو څه رپوټ نه دے خپور شوے او نه په دې حقله څه معلومات خپارۀ شوي دي چې دغه حملې د کومو ډلو لخوا شوې دي.

د روان کال له شروع راهسې په عراق کښې په امريکائي اهدافو له پنځوسو زياتې حملې شوې دي.