داسرائیلو له لوري د فلسطینیانو د کورونو ورانېدا
د اسرائیل خونړي رژیم په نیواکي قدس کې د فلسطینیانو په شړلو سره د هغوی کورونه ورانوي.
د فلسطین د اطلاع رسونې مرکز اعلان وکړ چي د صهیونیستي رژیم نیواکګر ځواکونو په نیواکي قدس کې د «سلوان» په سیمه کې د فلسطینیانو کورونه ورانوي.
په تېر میلادي کال کې هم صهیونیستي رژیم د الاقصی جومات په جنوبي سیمو کې د فلسطینیانو کابو ۷۰ کورونه وران کړي او ۱۷۲ نورو ته یې د کور د پرېښودلو خبرداری ورکړی دی.
د دې راپور له مخې اسرائیل غواړي د سلوان په سیمه کې د فلسطینیانو ۵۶۰۰ خونې وران کړي.
دغه رژیم همدارنګه په نظر کې لري چي د غزې د ترانګې په ګاونډ کې د «حانون» په نامه نوې یهودي میشت ښارګوټي جوړه کړي.
اسرائیل د فلسطینیانو د کورنو په ورانولو او صهیونیستي ښارګوتو په جوړلو سره غواړي د فلسطین په ټوله جغرافیه ولکه ټینګه کړي.
دملګرو ملتونو د امنیت شورا د ۲۳۳۴ پرېکړه لیک له مخې د فلسطینیانو په کورونو باندې د یهودو ښارګوټو جوړونه غیرقانوني ده.
