صهیونیسټ ښارګي میشته خلکو په الاقصی جومات یرغل کړی
فلسطین الیوم ورځپاڼې راپور ورکړ په لسګونو صهیونیسټ ښارګي میشته خلکو د دغه رژیم د عسکرو په ملاتړ سره په الاقصی جومات یرغل وکړ .
صهیونیسټ ښارګي میشته خلک له «باب المغاربه» دروازې څخه الاقصی جومات ته ننوتل او هلته یې لمسونکي اقدامات ترسره کړل .
دا په داسې حال کښې دي چې په خارج کښې د فلسطین د حماس غورځنګ مشر خالد مشعل وویل د فلسطین ملت به د الاقصی جومات د یهودي کولو ، یا ویشلو یا د ورانولو او له نیواکګرانو لخوا په هغه باندې د دیني او سیاسي واکمنۍ د اعمالولو اجازه ورنکړي .
د فلسطین مقاومت ډلو په ځلونو ویلي دي چې فلسطینیان به په ټولو ډګرونو کښې د نیواکګرانو او د هغوې د جنایتونو په مقابل کښې کلک ودریږي او د الاقصی جومات او د بیت المقدس د دفاع لپاره به د دوې لاسونه د ټوپک په لیندۍ کیښودل شوي وي .
د قدس نیواکګر رژیم تل په بیت المقدس ښار کښې د فلسطین او د اسلامي هویت د اصلي بیلګې په توګه په الاقصی جومات کښې ورانونکي اقدامات ترسره کړي دي .
