پر صهیونیسټي دښمن تر برلاسي پورې به مقاومت ته دوام ورکړو
د فلسطین د اسلامی جهاد غورځنګ عمومی منشي ترنهائي بریالیتوب پورې له صهیونیسټي نیواکګرو سره په مبارزې کې د فلسطینیانو د وحدت پر اهمیّت او کلک هوډ ټينګار وکړ.
فلسطینیو مقاومتي ډلو په کرتو ټینګار کړی دی تر هغه وخته چې د فلسطینی ولس په وړاندې د صهیونیسټانو جنایتونه دوام ولري، د فلسطین د ولس صهیونیسټ ضده عملیات به هم دوام ولري.
المیادین ټيلیویژنی چینل راپور ورکړ، د فلسطین د اسلامی جهاد غورځنګ عمومی منشي زیاد النخاله په یولړ څرګندونو کې ووئيل،د فلسطین مقاومت به د اردن سین د لویدیځي غاړې د پيښو په وړاندې له خپلو مسئولیّتونو او دندو غفلت ونه کړي.
زیاد النخاله ووئيل،د اسلامی جهاد غورځنګ هر وخت چې ضرورت ایجاب کړي ، په میدان کې دی.
هغه پر صهیونیسټي دښمن تر نهائي بریالیتوب پورې د فلسطین د ولس او مقاومتي ډلو ترمینځ د وحدت پر اهمیّت ټينګار وکړ.د یاددولو ده چې د فلسطین مقاومتي ډلې په دې اند دي چې په درست فلسطین کې د قدس له نیواکګررژيم سره جنګ څرګند او هراړخیز دی او د اسرائيلو د جنایتونو او ظلمونو دوام د یوازینۍ ژغرونکي ټاکنې په توګه د مقاومت په لاره کې د حرکت لپاره د فلسطین د ولس په هوډ کې هیڅ خنډ نشي رامینځةکولی.
