د یو بل فلسطیني ځوان په شهادت سره په روان کال کښې
د فلسطیني شهیدانو شمیر ۱۷۴ ته ورسید
د فلسطین روغتیا وزارت د یو فلسطیني ځوان د شهادت خبر ورکړ او ویې ویل: د روان کال له پیل څخه ۱۷۴ فلسطینیان شهیدان شوې دي.
صهیونیسټ پوځیان او ښارګي میشتي هره ورځ په مختلفو پلمو د فلسطین مظلوم خلک وژني، زخمي کوي او نیسي یې.
د فلسطین روغتیا وزارت نن سهار وویل چې ۱۶ کلن محمد فادي نوري چې تیره میاشت په لویدیځې غاړې کښ د صهیونیسټي پوځیانو په ډزو لګیدلی و، شهید شو.
دغه فلسطیني ځوان څو اونۍ مخکښې په خیټه لګیدلی و او تراوسه یې په روغتون کښې درملنه روانه وه.
د فلسطین د روغتیا وزارت د اعلان له مخې، د روان ۲۰۲۲ کال له پیل راهیسې ۱۷۴ تنه فلسطینیان شهیدان شوې دي چې ۴۱ په کښې ماشومان دي.
په دې لړ کښې په نیواکي ټاټبي کښې د ملګرو ملتو د انساني چارو غږملونکې لوسیا اِلمي Lucia Elmi) د ختیځ قدس په شمول په لویدیځه غاړه کښې د تاوتریخنو اقداماتو د زیاتیدو او په تګ راتګ باندې د یولړ بندیزونو له لګیدو څخه اندیښنه ښودلې ده،
هغې وویل: په روان کال کښې د ۲۶ ماشومانو په شمول لږترلږه ۱۰۵ تنه فلسطینیان د اسرائيلي پوځیانو په لاس شهیدان شوي دي او دا کال له ۲۰۰۶ کال راهیسې ترټولو خونړۍ کال دی. د تیر میلادي کال په پرتله سږ کال د فلسطیني قربانیانو په میاشتني اوسط کښې ۵۷ فیصده زیاتوالی راغلی دی.
