ملګري ملتونه:
د اسرائیل له لورې د ښارګوټو جوړول غیرقانوني دی
په ملګرو ملتونو کې له استعمار سره د مقابلې او ځانګړې سیاسي کمیټې په اکثریت رایو سره، د صهیونیست ښار ګوټو د جوړونې مخالفت وکړ.
صهیونیست رژیم فلسطینیانو ته په خپلو ځمکو کې د ودانۍ د جوړولو اجازه نه ورکوي څو د اردن په لوېدیځه غاړه کې د هغوی ځمکې لاندې کړي او صهیونیست ښارګوټې پرې جوړي کړي.
د اسرائیل رژیم په فلسطیني میشتو سیمو کې د صهیونیست ښارګوټو په جوړولو سره، د جغرافیوي بدلونونو او په فلسطیني ځمکو د ولکې د ټینګولو پسې دی.
په ملګرو ملتونو کې له استعمار سره د مقابلې او ځانګړې سیاسي کمیټې په اجماع سره، د فلسطیني بې ځایه شویو سره د مرستندویې ادارې د فعالیتونو د دوام لپاره رایه ورکړه او د صهیونیستي ښارګوتو جوړونه یې غیرقانوني وباله.
د دې راپور سره سم، د یادې کمیټې له لورې د پریکړه لیک تصوبېدا د هاګ په نړیواله محکمه کې د اسرائیل د محاکمې لپاره لاره پرانیزي.
امریکا، ایټالیا، جرمني، اسټرالیا، کاناډا او اسټریا د صهیونیست ضد له پریکړه لیک سره مخالفت کړي دي.
د قدس د چارو کارپوه فخري ابودیاب ویلي چي صهیونیست رژیم د نویو ښارګوټو د جوړولو ۳۸ پلانونه چمتو کړي او غواړې چي د قدس د زاړه ښار په ځینو برخو صهیونیست ښارګوټې جوړي کړي.
هغه زیاته کړه: اسرائیلي رژیم غواړي د قدس له سیمې څخه د مسلمانانو په ایستلو او د صهیونیست ښارګوټو په جوړولو سره، قدس شریف په یهودي میشته سیمه باندې بدله کړي.
