یمن د قرآن له سپکاوي کونکو هیوادونو په وارداتو بندیز ولګوه
د یمن عالي سیاسي شورا د ملي نجات حکومت ته حکم ورکړ چې له هغو هیوادونو د شیانو په وارداتو بندیز ولګوي چې د قرآن کریم د سپکاوي کولو اجازه یې ورکړې ده
په دې وروستیو کښې په هالینډ، سویډن او ډنمارک هیوادونو کښې د قرآن کریم بې حرمتي شوې چې دا جنایت د مسلمانانو د پراخ قهر او د غندنې د پراخې څپې لامل شوی دی.
د یمن عالي سیاسي شورا د دې شورا د مشر مهدي المشاط په مشرۍ په اروپايي هیوادونو کښې د قرآن کریم د مقدس ساحت بیابیا سپکاوي وغندل او د ملي نجات حکومت ته یې حکم ورکړ چې کومو هیوادونو چې د قرآن کریم د سپکاوي کولو اجازه ورکړې ده له هغو نه دې د شیانو په وارداتو بندیز ولګوي.
المشاط په دغې غونډې کښې د اسیرانو د تبادلې او د ۷۰۶ یمني اسیرانو د ډیر زر آزادیدو په دوسیه کښې د ترلاسه شوې موافقه هرکلی وکړ او د نورو یمني اسیرانو د آزادۍ په موخه د مذاکراتو د نوي پړاؤ د ترسره کیدو هیله څرګنده کړه.
