حماس غورځنګ په اسرائیلو توغندي ورویشتلي دي
ایرنا خبري اژانس راپور راکړی د فلسطین د حماس غورځنګ پوځي څانګې عزالدین قسام غونډ بیګا وویل چې د غزې تړانګې پرضد د صهیونیسټ رژیم جنایتونو ته په غبرګون کښې یې په نیواکي فلسطین کښې په یوشمیر سیمو توغندوي حملې کړي دي.
د صهیونیسټ رژیم رسنیو په تل اویو او د ریشون لتسیون ، غوش دان ، حولون، رحوفوت ، بات یام او رمله په شمول د نیواکي فلسطین په مرکز کښې په پراخو سیمو او دغه راز په عسقلان او د غزې تړانګې په ګاونډ کښې په صهیونیسټي ښارګیو کښې د خطرې د سایرنونو د وهلو خبر ورکړ.
بل خبر دا چې خبرو سرچینو بیګا وویل د غزې په شمال کښې په جبالیا کیمپ باندې د صهیونیسټ رژیم د جنګي الوتکو په حملو کښې یودیرش نور فلسطینیان شهیدان شول.
د صهیونیسټ رژیم پوځ په جبالیا کیمپ کښې په یوې هستوګنې سیمې کښې دولس کورونو په کامل ډول بمبار او تباه کړل.
دغه راپور زیاتوي چې د اسرائیلو په دغو بمباریو کښې تراوسه یودیرش فلسطینیان شهیدان او نهه نور ژوبل شوي دي.
