په سره سمندرګي کې دامریکا اوانګلستان د جنګ غوښتنو دوام نتیجې
په ملګرو ملتو کښې د روسیې د دایمی استازی لومړی مرستیال دیمیتری پولیانسکی د یمن په هکله د ملګرو ملتو د امنیت شورا په غونډه کښې وویل: په سیمه کښې د اوسنی بحران اصلی علت په غزه کښې د اسرائیلو وحشیانه پوځی عملیات دی.
د ملګروملتونو د امنیت شورا د غړیو له اعتراضونو او خبرداریو سره سره امریکا او انګلستان په سور سمندرګي کښې د کړکیچ او جګړې رامینځته کولو ته دوام ورکوي.
امریکايي او برتانوي جنګی الوتکو د فبرورۍ په ۱۴مه د یمن د لویدیځ د الحدیده ولایت په جنوب کې د «بیت الفقیه» په سیمه کې د «الجاح» د مثلث په جنوب کې دوه بریدونه وکړل.
د «الحدیده» ولایت د «الصلیف» ولسوالۍ په «الجبانه» او «راس عیسی» سیمې د امریکایی او برتانوی الوتکو له خوا په څو پړاونو کې حملې وشوې .
په ملګرو ملتو کښې د روسیې د دایمی استازی لومړی مرستیال دیمیتری پولیانسکی د یمن په هکله د ملګرو ملتو د امنیت شورا په غونډه کښې وویل: په سیمه کښې د اوسنی بحران اصلی علت په غزه کښې د اسرائیلو وحشیانه پوځی عملیات دی.
د یمن په چارو کې د ملګرو ملتونو ځانګړي استازي "هانس ګروندبرګ" هم په دې سیمه او په ځانګړې توګه د سره سمندرګي د شخړو د پای ته رسولو غوښتنه وکړه.
دامریکا او انګلیس د جنګی الوتکو دغه حملې په صهیونیسټ رژیم د یمن د لګول شوی سمندری محاصرې د ختمولو لپاره د دباو اچولو په هدف ترسره کیږی .
د یمن پوځ په دې وروستیو اونیو کښې په غزې کښې د فلسطینی ملت له مقاومت په ملاتړ کښې د صهیونیسټی رژیم په یوشمیر بیړیو یا هغو کشتیوچی د صهیونیسټی رژیم د نیواکګرو سیمو په لور روانې وې ، په سور سمندرګی او باب المندب تنګی کښې حملې کړي دي .
د یمن پوځ ژمنه کړې، تر څو چې اسرائیلي رژیم پر غزې خپل بریدونه بند نه کړي، د دغه رژیم پر کښتیو او یا په سور سمندرګي کې د نیواکي سیمو لپاره پر تلونکو کښتیو به بریدونه کوي.
د ۲۰۲۳ میلادی کال د اکتوبر له ۷ نیټې راهسې صهیونیسټی رژیم د لویدیځو هیوادونو په بشپړ ملاتړ سره د غزې په تړانګه او لویدیځه غاړه کښې د فلسطین د بې دفاع او مظلومو ولسونو په خلاف پراخ قتل عام پیل کړی او د اسرائیلو د جنایتونو په وړاندې د نړیوالې ټولنې او بشری حقوقو اورګانونو چوپتیا د فلسطیني ماشومانو او ښځو د وژلې د دوام سبب شوی دی .
په وروستیو ورځو کښې امریکا او د هغی دایمی ملګری انګلستان د سیمې د هیوادونو له مخالفت او په لویدیځ کښې د سیاسی فعالانو او د صلحې د ملاتړو ډلو له غبرګون سره سره په سور سمندر کښې او د یمن د حکومت پرضد خپلو کړکیچونو ته دوام ورکوی .
په دې شرایطو کښې هم د یمن پوځ او هم د «انصار الله غورځنګ» ولسی ځواکونو دواړو ټینګار کړی دی چې په غزه کښې به د صهیونیسټی رژیم د جنایتونو اونسل وژنې په وړاندې چوپه خوله پاتې نشی او په سیمه کې به د امریکا او لویدیځو پوځی هدفونو پرضد حملې وکړی..
د یمن د انصارالله د سیاسی دفتر غړی«محمد البخیتی» امریکایی چارواکو ته خبرداری ورکړ چې یمن د اوږد واټن ویشتونکی سمندری توغندی لری چې د یمن له هرې برخې ویشتلی او خپلو هدفونو ته رسیدلای شی ،د تیری ګرو هیوادونو ایتلاف د یمن د پوځی حیرانتیاو په لیدو سره مودې مودې مخکې پوهه شوي دي نور یی په سیمه کی لاسونه خلاص نه دی. دوی په سیمه او په خپلو مقابلو کې یی د یمن د پوځ د وړتیاوو د پراختیا احساس وکړ او حاضر دمه هم د دې عملیاتو په ترسره کولو کې د یمن د پوځی ځواکونو د ستر بریالیتوب شاهدان یو.
د امریکايي چارواکو د غلط فهمۍ په مقابل کې، د مقاومت د ډلو او په سیمه کې د خپلواکو هېوادونو د پوځي ځواکونو له وړتیاوو په استفادې سره، د امریکايي اډو او جنګي بېړیو د مقابلې او حملې لپاره له پرمختللو پوځي تجهیزاتو او تکتیکونو کار اخلي چې د یرغلګرو د بی وسئ او حیرانتیا او د متقابل ځواب ورکولو توان یی کمزوری کړی دی .
دا ځل په سیمه کې د امریکايي او برتانوي جنګ غوښتنو لمن د مقاومت د ډلو له همغږي غبرګون سره مخا مخ شوې او په فلسطین، لبنان، عراق او یمن کې د مقاومت ځواکونو د امریکايي پوځیانو جنګ غواړو اقداماتو په وړاندې پراخ غبرګون ښودلی دی.
په سیمه کې نوي بدلونونه ښیي چې د دغو جنګ غوښتنو دوام به د امریکا پوځ ته پراخې اقتصادي پایلې او انساني زیانونه ورسوي او د مقاومت ځواکونه به د اړتیا په صورت کې داسې عمل وکړي چې د امریکا پوځي اډې به د ځان لپاره د لاس رسي وړ هدفونه بدلې کړي.
