د "الهباریه" جنایت به بې ځوابه پاتې نه شي
د لبنان حزب الله د لبنان په سویل کې د «الهباریه» ښارګوټي په بمبارۍ کې د صهیونیسټي رژیم جنایت ته پر قاطع ځواب ورکولو ټینګار وکړ.
نن سهار د لبنان په سویل کې په «الهباریه» ښارګوټي کې پر طبي او امدادي مرکز باندې د صهیونیسټي رژیم په هوایي برید کې، ۷ تنه لبنانیان شهیدان او یوشمېر نور ژوبل شول.
د ایسنا خبري آژانس د خبر له مخې، د لبنان د ژغورنې ټولنې هم د الهباريه طبي مرکز د بمبارۍ په غبرګون کې، له لبناني چارواکو وغوښتل چې په نړيوالو محکمو کې د مجرمينو د محاکمه کولو لپاره لازم اقدامات وکړي.
د نن سهار حمله په تېرو شپږو میاشتو کې پر لبنان باندې د صهیونیسټي رژیم له سختو حملو او د الاقصی طوفان له عملیاتو او د لبنان په پولو کې د کړکېچ د زیاتېدو په لړ کې، یو له سختو حملو څخه ده.
د خبری سرچینو د خبر له مخې، په لبنان کې په ملکي خلکو د صهیونیسټي رژیم له حملو او د صهیونیسټي رژیم پر مرکزونو او اډو باندې د حزب الله له سختو توغندوي حملو وروسته، د لبنان په سویل کې نښتې زیاتې شوي دي.
