د بندیانو خوشی کیدل د مقاومت لاس ته راوړنه وه
د فلسطین د اسلامي جهاد غورځنګ مشر وویل: د فلسطینيو عاموخلکو او مقاومتي مبارزانو د ډيرو بندیانو خوشي کیدا په اړه لاس ته راوړنه یوازې د مقاومت په میړنتوب او سرښیندنې او د قربانيو او فلسطینيانو د یووالی له امله ترلاسه شوې ده.
زمونږ خبریال د ایکنانیوز له قوله راپور راکړ،د فلسطین د اسلامي جهاد غورځنګ مشر،زیاد النخاله، د اسرائیلي رژیم له زندانونو څخه د فلسطینيو بندیانو د خوشي کیدا په ځواب کې وویل: اوس د مقاومت او فلسطینيو خلکو د ډیرو بندیانو دخوشي کیدا په اړه لاس ته راوړنه یوازې د مقاومت په میړنتوب او د قربانيو او فلسطینيانو د یووالي له امله ترلاسه شوې ده.
هغه دوام ورکړ: مونږ امید درلود چې پایلې له دې ښې شي؛ خو زمونږ خلک د طاقت په هغه انډول او په هغو ډېرو عواملو چې فلسطیني ملت په غزې کې خورکړي دي، ښه پوهیږي.
النخاله روښانه کړه: د مقاومت بیرغ لوړ پاتې شو او مقاومت په میدان کې او زموږ شجاع او میړنی ولس هم د مقاومت له مفهوم څخه په الهام اخیستو هماغه شان په قدرت سره پخپل ځاي باقي پاتې دي.
د فلسطین د اسلامي جهاد غورځنګ مشر په خپل پیغام کې د نورو فلسطینيو بندیانو د د خوشي کولو په ژمنې ورکولو سره یاودونه وکړه: د نورو فلسطینيو بندیانو خوشی کیدا د مقاومت لومړیتوبونه دي او دا موضوع حتمی ده.
په عین حال کې، د فلسطینيو بندیانو رسندوي دفتر اعلان کړ ی چې د اتلو بندیانو خوشی کیدا ، په تیره بیا هغه کسان چې په عمری بند سزا شوي وو، د فلسطین د آرمان جوړولو په تاریخ کې یوه ډېره مهمه شیبه ده.
دغه رسندوئي دفتر ویلي چې د بندیانو خوشي کیدا د قهرمانې حماسې، اوږدې مبارزې او د هغو قربانيو نتیجه ده چې فلسطیني ملت د آزادۍ او عزت په قربانځاي کې، د بندیانو په وفادارئ کې ترسره کړي دي.
