اسلامي او عربو هیوادونو د امریکا د سفیر څرګندونې وغندلې
ایرنا خبري اژانس راپور راکړی اسلامي او عربو هیوادونو له عربو اتحادیې، د فارس خلیج د ملګرتیا له شورا او د اسلامي ملګرتیا موسسې سره یوځاې د خبر پاڼو په خپرولو سره په اسرائیلو کښې د امریکا د سفیر «مایک هاکابې» څرګندونې چې بې پروا یې په ټول مینځني ختیځ باندې د اسرائیلو رژیم سلطه د منلو وړ وبلله په کلکه وغندلې.
د متحده عربي اماراتو، د مصر ، د اردن ، د انډونیزیا ، د پاکستان ، د ترکیې ، د عربستان ، د بحرین، د قطر، د سوریې ، د کویت ، د لبنان ، د عمان ، د عراق خارجه وزارتونو او د فلسطین کورواکه تشکیلاتو په جلا جلا بیانیو کښې په نیواکي فلسطین کښې د امریکا د سفیر مایک هاکابې څرګندونې چې پکښې یې په مینځني ختیځ او نیواکي لویدیځې غاړې باندې د اسرائیلو رژیم د سلطې منلو ته اشاره کړې وه په کلکه وغندلې.
دغه راز د فارس خلیج د عربو هیوادونو د ملګرتیا شورا او د اسلامي ملګرتیا موسسې هم په جلاجلا خبر پاڼو کښې په نیواکي فلسطین کښې د امریکا د سفیر مایک هاکابې څرګندونې وغندلې.
دغو هیوادونو او ارګانونو د دغو خطرناکو او د لسمونکو څرګندونو په پریکنده توګه ردولو سره چې د ملګروملتونو د منشور او د نړیوالو حقوقو د اصولو ښکاره خلاف ورزۍ ده او د سیمې د امنیت او د ثبات لپاره په جدي ګواښ ټینګار وکړ.
