د صهیونیسټانو له ناکامۍ د تلابیب تر نړیوالې انزوا پورې
پارس ټوډي – په نیواکي سیمو کې یوه نوې نظرسنجي ښئي چې تر نیمائي ډېر اسرائیلي مېشتېدونکي باور لري چې صهیونیسټي رژیم د ۲۰۲۳ کال د اکتوبر له ۷ (د طوفانالاقصی له عملیاتو) راهیسې په هېڅ جنګ کې بریالی شوی نه دی.
پارس ټوډي د تسنیم له قوله راپورورکوي، د صهیونیسټي رژیم «کان» ټیلیویژني چینل د یوې نظرپوښتنې پایلې خپرې کړې چې پر اساس ئې ۵۷ فیصدي صهیونیسټان باور لري چې دغه رژیم د ۲۰۲۳ کال د اکتوبر له ۷ راهیسې په هېڅ یوه جنګ کې بری نه دی ترلاسه کړی. د دې نظرپوښتنې له مخې، د بېلابېلو جبهو په اړه د بریا پر وړاندې د صهیونیستانو باور ډېر ټیټ دی.
د راتلونکو ګواښونو په اړه پراخه اندېښنه
د همدې نظرپوښتنې له مخې، ۷۲ سلنه صهیونیسټان د خپل راتلونکي امنیت په اړه اندېښمن دي او باور لري چې حزبالله او حماس لا هم د دې وړتیا لري چې د اکتوبر د ۷ د عملیاتو په څېر ګواښ رامنځته کړي. دا شمېرې د صهیونیسټي ټولنې دننه د پوځي او امنیتي وړتیاوو پر وړاندې د ژور باور د بحران څرګندونه کوي.
د صهیونیستي رژیم د بهرنیو چارو وزیر د نړیوال انزوا اعتراف
په همدې حال کې، د صهیونیستي رژیم د بهرنیو چارو وزیر «ګیدعون ساعر» په یوې غونډې کې د دغه رژیم د نړیوالې انزوا او د نړۍ په کچه د عامه افکارو ترمینځ د کرکیجن کېدو په اړه اندېښنه څرګنده کړه او وې منله، چې د اسرائیلو اصلي ستونزه په نړۍ کې د عامه افکارو وضعیت دی. کله چې تاسو په یوه ډېره اوږده جګړه کې ښکېل ئۍ، په دې جبهه کې حالت ډېر ستونزمن کېږي.
