ترکیې له انټرپوله د نتانیاهو د نیولو لپاره رسمي غوښتنه وکړه

پارس ټوډې - ترکیې په رسمي توګه له انټرپول څخه غوښتي چې د صهیونیسټ رژیم لومړی وزیر دې ونیسي.

د پارس‌تودي د راپور له مخې، نیویارک ټایمز د صهیونیستي رژیم د لومړي وزیر، بنیامین نتانیاهو، د نیولو لپاره د ترکیې  له خوا د نړیوال پولیس له ادارې  (انټرپول) څخه د رسمي غوښتنې خبر ورکړی دی.

د ترکیې د عدلیې وزیر «آکین ګورلیک» تېرې جمعې  ورځې اعلان کړی ؤ چې دغه هېواد د نتانیاهو او یوه بل اسرائیلي وګړي لپاره د «الصمود بېړۍ» د درَولو او په هغې کې د سپَرلیو د فعالانو د نیولو په اړه د روانو تحقیقاتو په چوکاټ کې د  نیولو حکم صادر کړی دی. دغه بېړۍ  په  مئ میاشت کې د غزې تړانګې پر لور روانه وه.

د ترکیې د عدلیې وزیر ټینګار وکړ: د «الصمود بېړۍ» پر هغو فعالانو د برید په اړه، چې غزې ته ئې د بشري مرستو د رسَولو لپاره سفر کاوه، په نړیوالو اوبو کې قانوني اقدامات په بشپړ جدیت سره روان دي.