د لبنان پر جنوب وحشی صهیونیسټي رژیم  بیا سخته بمباري کړې

پارس‌ټوډې ـ صهیونیسټي رژیم د لبنان د جنوب پر بېلابېلو سیمو خپل بریدونه نوره هم  زیات کړي او څو ښارګي او سیمې یې  په جنګي الوتکو ،توپونو او  مشین ګڼو سره ټارګټ کړي دي.

د پارس ټوډې  د راپور له مخې، د صهیونیسټي رژیم جنګي الوتکو د دوشنبې په ورځ د لبنان په جنوب کې په «برعشیت» سیمې شاوخوا هوايي برید وکړ. لبناني رسنیو راپور ورکړی چې د «وادي الحجیر» سیمه هم د صهیونیستي رژیم د جنګي الوتکو د برید هدف ګرځېدلې ده.

همدارنګه د صهیونیستي رژیم پوځ توپخانې د «زوطر الشرقیه» سیمې شاوخوا سیمه ټارګټ کړې  او د دغه رژیم پوځي  ګاډو  څخه  هم د دې ښارګوټي پر لور ډزې شوې.

لبناني سرچینو د لبنان په جنوب کې پر «دیر سریان» ښارګي او «وادي السلوقي» سیمې د صهیونیستي رژیم د هوايي برید خبر ورکړی دی

المنار راپور ورکړی چې د صهیونیستي رژیم تیریګرو پوځیانو  د لبنان په جنوب کې د «بلیدا» او «عیترون» په ښارګیو کې هم دوې چاودنې کړې دي.

د لبناني رسنیو د راپورونو له مخې، د صهیونیستي رژیم پوځ د لبنان په جنوب کې په «میس الجبل» ښارګوټي او «علمان الشومریه» سیمه کې هم چاودنې  کړې دي.