دسوریې عسکرو یوشمیر ټروریسټان هلاک کړی
-
دسوریې دشمال لویدیځ سیمې په تیره بیا ترکیې ته نږدې دحلب ولایت شاواخو سیمې او دغه راز ادلب ولایت دترهګرو ډلو او د وسله والو مخالفو وروستي مرکزونه دي .
زمونږ خبریال وایی د سوریې پوځ په یو لړ عملیاتو کښې دخالد التیبانی چې لقب یې ابو عمر الدمشقی وو په شمول د جبهه النصره یوشمیر ټروریسټان دحماه ولایت د شمال په خوا کښې د الجنابره ښارګی په خوا کښې دپټیدا په وخت هلاک کړل .
د سوریې پوځ پرون هم د المصاصنه ښارګی په خوا کښې د کتاب العزه ډلې په ترهګرو حمله کړې وه .
له بلې خوا د سوریې دحکومت د یوې وسله والې مخالفې ډلې یعنی د سوریې دازاد پوځ د پوځی شورا په نوم ډلې د حلب دشمال په خوا کښې له اخترین ښار څخه د سوریې دحکومت د پلوی کورنیو د ایستلو حکم ورکړ .
د فرات د ډهال په نوم ډله چې دترکیې د جاسوسۍ ادارو تر څارنې لاندې فعالیت کوی د سوریې اخترین ښار په نیواک کښې لری .
دسوریې دشمال لویدیځ سیمې په تیره بیا ترکیې ته نږدې دحلب ولایت شاواخو سیمې او دغه راز ادلب ولایت دترهګرو ډلو او د وسله والو مخالفو وروستی مرکزونه دی او د دمشق حکومت ژمنه کړی ده دغه سیمې به زر له ټروریسټانو ازادې کړی .
