د شهید سلیماني د وینې بیه د اسرائیلو نابودیدل دي
ایرنا خبري اژانس وايي د عراق د ولسي بسیج ځواک الحشد الشعبي مرستیال سید هاشم الحیدري وویل د ایران د اسلامي انقلاب د سپاه پاسداران د قدس ځواک د شهید قومندان ډګر جنرال قاسم سلیماني او د هغه د ملګرو د وینې بیه د اسرائیلو نابودیدل او له لویدیځې اسیا څخه د امریکا وتل دي .
هغه بیګا په قم کښې په حضرت بي بي معصومه سلام الله علیها سپیڅلي حرم کښې د ایران د اسلامي انقلاب د سپاه پاسداران ځواک د قومندان شهید سلیماني او د الحشد الشعبي ولسي ځواک د نائب رئیس ابو مهدي المهندس د اربعین په مراسمو کښې وویل شهید سلیماني په ټولنیزو ، کلتوري او سیاسي ډګرونو کښې یو(۱) بې ساری شخصیت وو .
د عراق د الحشد الشعبي ځواک مرستیال هاشم الحیدري په دې خبرې ټینګار سره چې د ایران د اسلامي انقلاب د سپاه پاسداران د قدس ځواک اصلي قدرت د دغه ځواک اعتقاد ، معنویت او د خپلو عسکرو زړورتیا ده وویل په عراق ، سوریې او لبنان کښې د مقاومت د جبهې قومندانانو شهید سلیماني په زړورتیا سره پیژنده .
امریکا د ایران د اسلامي انقلاب د سپاه پاسداران د قدس ځواک مشر ډګر جنرال قاسم سلیماني ، د عراق د الحشد الشعبي ځواک د نایب رئیس ابو مهدي المهندس او ورسره نور اته (۸) کسان د بغداد هوايي ډګر ته نږدې په هوايي برید کښې شهیدان کړل .
