ملګروملتونو د تیلو د موافقې خلاف ورزۍ کړي ده
زمونږ خبریال وايي د یمن انصار الله غورځنګ دې ته په اشارې سره چې ملګروملتونو د الحدیده ولایت په ساحل کښې د «صافر» د تیلو د ټانکر د حالت جاجونې ته د اړونده موافقې خلاف ورزۍ کړي ده په دغه پیښه کښې د دریم (۳) لوري د بې طرفانه رول د لوبولو غوښتنه وکړه .
په صنعا کښې د انصار الله غورځنګ د سیاسي لوړې شورا غړي محمد علي الحوثي په ټویټر اینټرنیټ پاڼې کښې ولیکل ملګروملتونو د صافر د تیلو د ټانکر د حالت جاجونې ته د اړونده موافقې خلاف ورزۍ کړي ده .
هغه وویل د یمن د ملي ژغورنې حکومت د دریم (۳) نړیوال لوري چې په یمن کښې په تیریو کښې ګدون نه لري او له غمیزې او کارړنګونې خبر دی د رول د لوبولو غوښتنه کوي .
د ملګروملتونو امنیت شورا په تیرې چهار شنبې ورځ له یوې (۱) غونډې وروسته چې د صافر د تیلو د ټانکر په کړکیچ د غور لپاره د یمن د حکومت په غوښتنه وشوه له انصار الله غورځنګ څخه وغوښتل د ملګروملتونو کارپیژاندو ته صافر ټانکر ته د لاسرسي اجازه ورکړي .
د صافر د تیلو ټانکر له تیرو څلورو (۴) کلونو راهسې د الحدیده ولایت په «راس عیسي» بندر کښې لنګر اچولی دی او څه د پاسه یو(۱)میلیون بیرله تیل پکښې بار دي .
